Programi i testimit për Covid-19 në shkollë.

 

Mbi rëndësinë e planifikimit dhe implementimit të Programit të testimit për Covid-19 në shkollë.

Ditët e fundit varianti Delta dhe Omicron janë përhapur në Shqipëri duke shënuar një numër rekord infektimesh që nga fillimi i pandemisë. Kjo situate kërkon zbatimin rigoroz të masave në fuqi, mbajtja e maskës në të gjitha ambientet e brendshme dhe kudo ku nuk ruhet distanca, shmangia e grumbullimeve dhe ruajtja e distancës si dhe higjiena ndihmojnë në kufizimin e përhapjes së virusit. Gjithashtu është domosdoshmëri VAKSINIMI i të pavaksinuarve dhe aplikimi i DOZËS PËRFORCUESE, për të shmangur format e rënda të sëmundjes dhe fatalitetet, në kushtet e përhapjes në vendin tonë të variantit Delta dhe Omicron.

Duke u bazuar në këtë situatë duhet të rrisim numrin e testimeve nëpër shkolla në mënyrë që të mund të ndërpritet zinxhiri i përhapjes së virusit. Ekipet e testimit kanë punuar me përgjegjshmëri të lartë por me rritjen e rasteve mund t’ju vijme në ndihmë duke planifikuar dhe implementuar:

Programin e testimit për Covid-19 në shkollë.

Përfitimet e këtij programi:

1. Redukton përhapjen dhe mban shkollat hapur

Sipas CDC, të paktën 50% e infeksioneve ka të ngjarë të përhapen nga dikush që është asimptomatik (që nuk tregon simptoma) ose para-simptomatik (që aktualisht nuk shfaq simptoma, por mund t'i zhvillojë ato në të ardhmen). Një program testimi rutinë, i cili teston rregullisht njerëz pa simptoma ose me ekspozime të njohura, është një mjet vendimtar për të reduktuar përhapjen "e heshtur" të virusit dhe mund të mbrojë nxënësit, mësuesit dhe stafin.

2. Testimi në shkolla mund të ndihmojë në sigurimin e aksesit të barabartë në shërbim shëndetësor.

Disa familje mund të mos jenë në gjendje ose të mos dëshirojnë të kërkojnë testim prandaj duhet të ofrohet në mjediset e shkollës.

3. Testimi rrit besimin në sigurinë e shkollave.

Nxënësit, prindërit dhe stafi mund të jenë të shqetësuar për mësimin në shkollë sepse mund të ekspozohen ndaj infeksionit nga të tjerët në ambientet e shkollës. Programet e testimit me vlerësim të rregullt dhe transparent të të dhënave mund të ndihmojnë në uljen e shqetësimeve rreth sigurisë së shkollës.

Kush duhet të testohet?

1. Testimi i individëve simptomatikë ose kontakteve të ngushta të të infektuarve.

2. Testimi rutinë i individëve pa simptoma por me ndonjë arsye për të dyshuar për ekspozim. Objektivi është reduktimi i transmetimit duke identifikuar më shpejt individët e mundshëm të infektuar për të mbrojtur shëndetin publik.

Vetëm në këtë mënyrë mund të zhvillojmë një plan veprimi për t'u përgjigjur shpejt në rast të një rezultati pozitiv të testit.

1. Ndajmë menjëherë individët që rezultojnë pozitivë për Covid-19 në dhomën e izolimit të shoqëruar me një person të caktuar për të mbikëqyrur dhe komunikuar me prindërit.

2. Organizonjmë në bashkëpunim me prindin që nxënësi të kthehet i sigurt në shtëpi.

3. Mbyllim zonat e përdorura nga individi i sëmurë dhe marrim masa për dezinfektimin.

4. Këshillojme individin që ata duhet të kontaktojnë mjekun e tyre për kujdes dhe të mos kthehen në shkollë derisa të plotësojnë kriteret e Rregullores  për të ndërprerë izolimin në shtëpi.

5. Këshillojme ata që kanë pasur kontakt të ngushtë me individin (shokët e klasës, mësuesit, anëtarët e stafit) të vetë-monitorohen për simptomat dhe t'i përmbahen udhëzimeve.

6. Në rast të një rezultati pozitiv të testit, përparësia e parë është t'ia komunikojmë rezultatin autoriteteve të shëndetit publik.

Personeli shëndetësor i shkollës: mjek, infermier dhe stomatolog me trajnimin e nevojshëm dhe pajisjet e duhura si dhe me mbështetjen e stafit të shkollës mund ta zbatojnë Programin e testimit për Covid-19 në shkollë duke e mbajtur shkollën një vend të sigurtë për nxënësit, mësuesit dhe stafin.

Tirane 9/01/2022