Maskat në shkollë do ti përdorim siç duhet apo “do bëjmë sikur”?

 

Edhe një javë na ndan nga fillimi i shkollës. Fëmijet presin me padurim fillimin e shkollës pas një ndërprerje shumë të gjatë. Prindërit janë të dyzuar ndërmjet arsimimit dhe shëndetit të fëmijëve. Mësuesit presin me ankth këtë fillimviti të pazakonshëm. Drejtuesit e shkollës e kanë filluar tashmë punën me planikimin sipas rregullores së re.

Rregullorja e re shumë e detajuar në thelb ka tre pika të rëndësishme:

•  Distancë mbi 1,5m
•  Maskë në ambientet e brendëshme
•  Higjenë personale dhe shkollore

Gjate gjithë kësaj periudhe të gjithë kemi marrë me “tepri” informacione mbi Covid-19 përfshi këtu origjinën, ndërtimin, përhapjen , trajtimin, vaksinimin, etj. Për fat të keq, njohuritë nuk janë të mjaftueshme për të bërë që shumica e njerëzve të ndryshojnë sjelljet e tyre. Shumë prej nesh që janë plotësisht të vetëdijshëm për pasojat e Covid-19 shpesh vazhdojnë të mos  respektojnë masat.

Nga një vëzhgim i shpejtë në shkolla vihet re se mësuesit në pjesen më të madhe nuk përdorin maskë në ambientet e brendëshme. Po kështu dhe sanitaret, për të cilat perdorimi i maskës dhe dorezave duhet të ishte i përhershem gjatë kryerjes së detyrës. Prindërit, që këto dite po tërheqin librat, përgjithësish duhen “kujtuar” për përdorimin e maskës.

Kemi vetëm një javë kohë për të “bindur” këdo në shkollë për përdorimin e maskës.

Studimet tregojnë se njerëzit kanë më shumë gjasa të ndryshojnë sjellje nëse besojnë informacionin e ofruar. Përdorimi i maskës do të jetë i duhuri në shkolla vetëm atëherë kur stafi dhe nxënësit të:

1) pranojnë se janë në rrezik nga mospërdorimi i maskës

2) pranojnë se mund të sëmuren rënde nëse nuk mbajnë maskë

3) janë të bindur se mbajtja e maskës do të jetë e dobishëm për ruajtjen e shëndetit të tyre.

Vetëm  kur mësuesit të përdorin maskën në mënyrën e duhur padyshim dhe nxënësit do ta ndjekin shembullin e tyre.

Përdorimi i maskes ne menyren e duhur perfshin:

• -         zgjedhja e maskës se përtatshme
• -          dezinfektimi i duarve para dhe pas vendosjes së maskës
• -          mbulimi i plote i hundës dhe gojës
• -          kujdesi për mosprekjen e maskës gjatë përdorimit
• -          zëvendësimin nëse maska laget apo zbutet

Ne shkollen tone nuk ka vend per Covid-19. Ne perdorim maske!